北水頭等倉：水務股粵投至穩陣
外媒報道人行早在年初已放棄以市場價為基礎的人民幣中間價定價機制，簡單講就係唔再讓市場決定人民幣匯率，唔會因為人民幣國際化呢個「神聖」任務而左右維穩匯率工作。到底係因時制宜，抑或決心未夠而倒行老路？
近期與內地投資者傾談，不約而同有感內地官、商都有一種莫明的惶恐，並不獨因為經濟前景差，而是因為中央決策層內部對現行經濟政策存在分歧，且各項「糾正」措施正在進行中。
魚缸繼續悶局一場，基本上每日定時返經紀行的卜架經已愈來愈少，即使做開一批內地客的卜架，今次都未能幸免，事關去年A股救市一役，唔少有米內地豪客已元氣大傷，再加上呢半年炒港股真係輸多贏少，久而久之魚缸就乏人問津。
要搵避險對象，水務股是其中一類。粵海投資（00270）在兩地供水業務收入佔比大，有芬佬及收息一族長期捧場，股價在10元邊有得諗。
至於北控水務（00371），近兩周股價在4.5元水平現承接，筆者一月曾品評，基本上對其估值中線可取看法未變，惟宜留意，公司上月增持桑德國際（00967）成第二大股東，但桑德已應證監會據證券及期貨規則第8（1）條停牌，且延發去年度業績，短期呢項投資對股價添上不明朗因素，故兩者中，還是選粵投免傷腦筋。
司慕渢