識別機主習慣
多得Google開發嘅Abacus系統，Android機辨識到機主打字習慣、步伐、身處地方加面容，來取代密碼。
做法係，部手機記住咗機主平時點打字法、袋住部機行街時行幾快幾慢、每日習慣幾點係邊區出現（返工返屋企之類）、再加埋機主個樣，用呢啲數據先計出個「可靠分數」。到用機時，若部機所收到數據低於「可靠分數」，會開唔到機。
簡單講，你一向朝九晚五去開金鐘返工，你部機若畀人攞咗去元朗、又忽然打起日文來……部機就會辨識到唔對路。
Google舊年開發大會上提出Abacus系統，最新消息係幾間大金融機構下個月會用埋嚟開發，即係嚟緊唔止係開機密碼咁簡單。
余絲韻