呢份工，正式名稱叫「無人自駕車操作員」，齋聽個名係咪有啲矛盾呢？一句講晒，就係想請一啲人睇實佢哋測試緊嘅無人車。
講明五天工作制，每日坐喺架車入面6至8粒鐘，時薪20美元，計起嚟月薪近3萬港元。話明係「自駕車」，基本上係電腦操作，3萬蚊一個月幾乎唔使點揸架車，幾唔錯喇。
幫手做筆記 打字要快
不過，操作員其實未至於完全齋坐，要學識監察住軟件運作，睇實有乜緊急情況，仲要幫工程Team做番啲筆記咁，所以要求每分鐘打字速度達40字。
份工仲有乜要求？就係要大學畢業、駕駛紀錄良好咁啦。唔知幾時試車試到嚟香港呢可？
余絲韻