絲絲講場：信用卡一姐4個月學掂中文
不時聽到有外國人話中文好難學，尤其係廣東話。想喺中國人地頭做大事？學識啲點都好。
最先學讀上司個名
Visa香港及澳門區總經理戴嘉倩（Caroline）就真係叻叻。佢係澳洲籍，半年前由新西蘭調嚟香港做總經理，正所謂入鄉隨俗，一安頓好就搵老師學中文，仲普通話、廣東話都兼顧到。
佢學中文第一樣係乜？就係學點讀上司個中文名。有前途，有前途！Caroline學咗短短四個月，已經大約聽得明絲絲問咩，厲害。
佢仲問埋老師自己個中文名「嘉倩」點解，「嘉」就係嘉許、讚賞，「倩」就係優雅嘅倩影；不過，Caroline話覺得自己更似個「影子」，時刻（目及）住班同事做嘢咁話。真搞鬼！
余絲韻