絲絲講場：星展張建生降呢扮客戶經理

Banker降呢做客戶經理！邊位？係星展香港董事總經理兼企業及機構銀行總監張建生（Alex)。

做舞台劇啫。星展香港鍾情拍劇，上次拍完微電影後，今次搞舞台劇。為咗介紹佢哋個「Meet Online」中小企網上開戶服務，連Alex都要粉墨登場，佢堂堂老細級要降呢扮演高級客戶經理，其他同事有人扮客服、有人扮速遞員、有人扮茶記老闆，個個似模似樣。

絲絲尋日明明坐緊貴賓席，一路飲港式奶茶、一路睇表演，了解吓中小企點樣唔使落分行都開到戶。點知，絲絲不知不覺間已經係表演嘅一部分，做咗臨記茶客，咁就食多兩個菠蘿包當報酬啦！

余絲韻