絲絲講場：8港青上京比舞Link出資力撐
8個港青上京舞鬥多得領展？事關領展（00823）係幕後贊助人。不過，何解同街舞Link埋一齊？全因協青社嘅嘻哈學校一三年起獲領展資助近340萬成立黃昏外展服務，借街舞接觸新界西北區邊青，今年香港嘻哈公開選拔賽都係領展資助協青社舉辦嘅。
今次上京8位港青，係由380人脫穎而出，佢哋嚟緊七月會出戰北京領展歐美匯（EC Mall）Fight-For-What全國街舞精英挑戰賽。
因為街舞，佢哋有人唔再「宅」喺屋企淨係識打機瞓覺，有人唔再通宵流連街頭，有人多咗同屋企人傾偈；為咗要出外比賽交流，佢哋仲好積極賺錢同學好英文添。
余絲韻