絲絲講場：大新跳繩育苗多花款
絲絲最怕做運動，不過小朋友一定要多啲打籃球或者跳繩先可以生得高，所以小朋友不妨可以考慮下近年興起嘅花式跳繩。
健康兼增強意志
大新銀行（02356）搞咗個花式跳繩培訓，對象係一班七至十一歲基層家庭兒童，希望佢哋健康得嚟，仲可以「跳出正能量」。大新銀行執行董事兼零售銀行處主管王美珍話，希望透過贊助為期兩年嘅花式跳繩培訓活動，等小朋友可以鍛煉意志同培養體育精神。
花式跳繩有好多國際比賽，為咗鼓勵小朋友畀心機學，遲啲可以參加比賽，大新特別邀請花式跳繩世界冠軍兼世界紀錄保持者何柱霆同埋佢啲隊友示範表演，小朋友睇得非常開心，應該有動力好好學習啦！
余絲韻