不過，葉家海入股美克國際（00953）之後，委派埋樂小姐入埋Board，兼任改名之後叫「邵氏兄弟控股」嘅美克做執董，要忙電視圈之餘，仲要搞埋電影投資，另外又要特登抽時間出嚟見股東，豈不是忙上加忙？
老闆開聲 瞓少啲都肯
樂小姐都直言：「做董事忙呀！但始終喺呢方面有一定經驗，加上公司叫到，點都會幫手嘅，一日得24個鐘，咁咪喺瞓覺時間度減囉。」
但係如果公司再叫佢兼任其他公司董事呢？樂小姐即刻好肯定咁答：「老闆叫到做乜都一定做啦！即係能力勝任到嘅都會做。」
嘩，樂小姐又瞓少啲覺又乜都肯做，咁筍嘅員工真係去邊度搵呀！
余絲韻