絲絲講場：坤哥帶挈衍生銷量升

衍生（06893）旗下嘅「美肌の誌」面膜賣到街知巷聞，估唔到請咗「坤哥」吳業坤做代言人之後，生意額即時勁升！主席彭少衍話，坤哥個廣告大概二月、三月左右出街，之後「美肌の誌」嘅銷量升咗足足兩成咁多，坤哥攞獎之後嘅吸金力認真唔講得小。

之不過咁，香港大部分Mask廣告都搵靚女代言，今次又會搵坤哥咁有趣？董事總經理關麗雯就解釋，香港呢方面太慢喇，事關南韓已經搵好多型男代言護膚品，「咁先吸引到佢哋嘅Fans買嘛！坤哥都吸引到唔少少女Fans買我哋啲產品！」

不過主席就話，暫時無諗住搵坤哥代言公司其他產品喎。話就話開奶茶、七星茶呀係畀BB飲，之但係坤哥咁入屋，話唔定代言埋開奶茶同七星茶，可以開拓埋BB市場呢！

余絲韻