Dyson（戴森公司）繼無扇葉電風扇之後，最近公開發布，今年九月將會推出一款同樣型爆嘅Dyson Supersonic神級風筒。
但據講呢個偉大發明用咗4年時間，同埋總共用咗7,100萬美元，風筒咋喎，成5億5千幾萬港紙去研製，係真唔係呀？
戴森這家英國公司喺氣流技術領域係響噹噹嘅，而呢款神級風筒係佢哋將自己嘅專業知識應用喺美髮行業。而神級風筒售價高達400美元，香港建議零售價就3,380元，一啲都唔平喎！
一個風筒賣咁貴，肯定有人捨得買？戴森公司一班工程師就有十足信心嘞。Dyson Supersonic神級風筒主打輕巧、不傷頭髮及快乾之外，而且打破風筒吹頭時例牌嘈死隔籬，佢係靜音嘅！咁可能髮型屋和有BB嘅媽媽會有興趣買。
但戴森公司產品開發主管Tom Crawford話，產品最終係咪大賣唔緊要，最重要一定要堅持做得畀人哋好，有時候一個風筒所帶來嘅影響不僅僅是吹乾頭髮。
余絲韻