理財Campus：大媽炒股 潮語講乜？

「金三胖」三大板塊護盤

黃威解釋：「內地人叫北韓領袖金正恩做『金三胖』，至於A股入面嘅『金三胖』，就係指銀行、券商同埋保險股」。黃偉豪指，「金三胖」護盤功效不大，「銀行、券商、保險股呢類主流板塊，要視乎內地投資者嘅信心，肯唔肯投入大量資金先幫到滬綜指上升。但內銀股既無盈利增長，又面對高企嘅不良貸款風險，好難令內地投資者重拾信心」。雖然中央推出債轉股方案，冀降低企業債務及銀行壞帳水平，惟他認為事件令內銀的資本充足率下降，實際對內銀構成負面影響。

「麻辣粉」+「酸辣粉」睇放水

所謂「麻辣粉」指中期借貸便利（MLF），「酸辣粉」則指常備借貸便利（SLF），同為人行的市場操作行為，向實體經濟注入流動性。人行本月已連續十一次淨投放，及三次MLF操作。

六福金融 黃威	其他內地投資潮語點解？	大媽炒股潮語講乜？

黃威直言放水力度不足，資金面仍緊張，令股市偏軟。「四月份係交企業稅嘅高峰期，且近日有大量逆回購到期，令市場資金收緊。人行不足兩星期進行第三次MLF，又推七日短期逆回購，目的係對沖到期問題。不過，MLF嘅量少過預期，力度明顯不足，所以A股應該會繼續弱勢。」人行周一以逆回購及MLF向市場投放4,470億元人民幣，但據統計，本周共有8,700億元人民幣七天期逆回購到期，令銀行間同業拆放利率續揚。

「牛市雨」劉士余效應

雖然中國證監會主席劉士余被網民呼作「牛市雨」，內地大媽憧憬為市場帶來牛氣，惟黃偉豪稱，「三月份嘅經濟數據理想，一下子令股市衝上。之後投資者轉向留意政策面嘅改變，政策方面可能變咗冇之前咁鬆。故此，A股短期存在隱憂，重上3,000點有難度。要留意埋四月份經濟數據，如果該月數據同三月份一樣理想，就可確立中國經濟改善，A股便有動力向上。我對後市唔太悲觀，只是有短期調整壓力。」

「拯救大兵瑞恩」聯手救市

美國電影《雷霆救兵》（Saving Private Ryan）的內地片名翻譯「拯救大兵瑞恩」，指去年中央停新股發行、券商聯合出資救市、證金公司入市等一連串干預動作，上演一場A股版的「拯救大兵瑞恩」。黃威認為，現階段未見有出招救市的必要性，「當滬綜指去到3,000點，投資者就會離場，指數震返落嚟。但按走勢睇，中線覺得可以上番3,200點，只係呢期A股弱過預期。」

「豬堅強」肉價推高通脹

要掌握內地通脹，睇豬肉價最清楚。三月份內地居民消費價格指數（CPI）按年上漲2.3%，當中新鮮蔬菜價格上升35.8%，豬肉價格上漲28.4%。

食品價格升幅明顯，難怪網上出現「豬堅強、蒜你狠、向錢葱」等字眼，尤其是豬肉價格，首次升破每斤10元人民幣，今年升幅更逾三成。黃威指，「食品價格因春節效應而推高。不過，最近的數據顯示，豬肉價格開始企穩，相信豬價不會再大幅向上。」黃偉豪亦預期，往後CPI數據亦不會大幅上漲，甚至有回落迹象。