絲絲講場：一田莊偉忠臨別盡情吹水

有「不開會的CEO」之稱嘅一田百貨CEO莊偉忠今日（周四）下晝將會與傳媒告別茶敍。佢喺臨別之際將有乜嘢想講？莊蛇在記者邀請函中就話明：天南地北，盡情吹水咁話！

就絲絲所認識嘅莊蛇，佢喺一田已做了八年，今次係佢最後一次以一田CEO身份同傳媒見面，講到明話會有問必答，到其時傳媒好友必定會問問佢係唔係已經有新東主？另起爐灶？又或者真係疊埋心水退休？希望到時唔好被問到口啞啞就好嘞！

當然，話明係最後一次主持一田嘅Function，莊蛇話會公布一田三月嘅最新銷售數字，同埋講早前特別為友好日本熊本縣地震籌款詳情。最後，莊蛇特別提醒絲絲，歡迎大家同佢Selfie集郵，可以一齊留低最美好嘅回憶添！

余絲韻