絲絲講場：Nokia買智能錶 東山再起？
昔日嘅手機霸主諾基亞（Nokia）兜兜轉轉，又回到消費產品範疇。該公司宣布，將斥資1.7億歐元收購法國時尚智能手錶製造商Withings。收購完成後，Withings將成為諾基亞科技嘅一個部門。諾基亞科技之前推出嘅智能產品包括Ozo虛擬現實攝像機及N1平板電腦。
回歸消費類產品
喺二○一三年諾基亞向微軟出售手機業務之後，今次這筆收購將會係諾基亞回歸消費類產品嘅最新一步，交易將於今年第三季度完成。諾基亞科技負責人Ramzi Haidamus就話，諾基亞目前處於獨特嘅位置，目標係響健康領域產品上，領導下一輪創新。
諾基亞早前已經表示，將進軍醫療、可穿戴設備和物聯網市場。Withings覆蓋了其中的兩個領域。除了智能人體秤和運動追蹤手錶之外，Withings還開發床上傳感器和家庭監控攝像頭。難怪諾基亞會睇中佢囉！
余絲韻