絲絲講場：佐敦廣場舖跌剩十萬蚊

第一代劏場 貶值86%

絲絲睇番資料，依個「筍舖」屬於九十年代嘅第一代大型商場拆售，當時呢個舖原業主喺九二年八月以69.7萬元買入，照咁樣計，個舖近廿四年大幅跌價86%或59.7萬元。

睇番呢個叫做佐敦廣場嘅拆場，前身係伯爵酒樓，面積近兩萬方呎，涉及4層樓面，喺九二年分拆成超過160個舖位，當時呎價約1.5萬元，而當年買家收舖後先發現舖位實用率低過五成，於是向賣方追討，之後賣方仲清埋盤，管理公司亦離場。

佐敦廣場喺一○年獲財團劃一13.8萬元進行收購，當時有近50個舖位願意沽售，個別舖位蝕幅達九成，當中仲涉及不少影視界藝人。

余絲韻