新世代供略：大學生瞄準馬鞍山居屋

笑容可愛又親切的阿雪，對買樓未有詳細計劃與方向，問到她心儀地區，就滔滔不絕的發表意見，「依家我住緊上水，不過太多人喇！有能力買樓嘅話，想住馬鞍山，因為地方夠靜，多公園和綠化地帶，感覺好舒服。」

錦鞍苑近馬鐵便捷

阿雪續稱，「現時有買保險儲錢，買樓係人生一大目標，如果平啲都諗住買，但要計吓過幾年夠唔夠錢畀首期，唔夠可能要家人幫手。」

阿雪表示，有意於馬鞍山置業。	屋苑附近有學校，家長客最愛。	行兩步到巴士站，出入就腳。

阿雪鍾情的馬鞍山區，是傳統住宅區域，臨近沙田海及吐露港，有綠樹及公園環抱，寧謐舒適。由於普遍私樓樓齡較新，抗跌力強，即使跌市下樓價都企穩於偏高水平。反之，阿雪想用有限Budget上車，部分居屋配套完備，倒適合上車客選擇。

錦鞍苑近馬鐵恒安站。	阿雪理想Dream House	每月供款例子

以錦鞍苑為例，因鄰近馬鐵恒安站，有強勁的交通設備，附近又有巴士站，出入方便快捷。屋苑毗鄰恆安邨，新十字型格局，雖然樓齡已近30年，惟外形討好，保養尚可。3座物業有供應兩房戶型，實用面積約400方呎，布局分明，四正實用，兩口子絕對夠住。

另屋苑附近有學校、體育館、街市及公園等，行十分鐘已到馬鞍山運動場及新港城中心商場，生活方便。

用家主導放盤少

世紀21富山分行經理梁榮貴表示，錦鞍苑因用家市場主導，買賣放盤偏少，今年僅錄得數宗二手成交。目前貼市價放盤僅得一個極低層兩房單位，自由市場價以345萬元放售；其他中層戶開價則近400萬元。