坐重貨 行家等劏
就咁嘅，恒發洋參（00911）原來係加拿大種植參嘅超級大買家，單係安大略省出產嘅洋參，就有70%都係賣畀恒發，不過聽講依家好多當地參農都坐晒貨。
相信大家記憶猶新，今年一月時，恒發洋參曾經單日股價大挫九成，之後四月公布業績時更盈轉虧，全年蝕超過四億元，公司又透露所有銀行已停止借貸畀佢哋。
其實依家好多加國參農都出唔到貨，連帶其他買家都想睇定啲唔買住，因為下一步可能會有參農割價求售嘛。
聽講，有參農坐住成一千五百幾萬港元貨，一個參農已經咁，成個參行條數唔知點計。參農周轉困難還唔到錢畀銀行，咁搞落去引發嘅連鎖反應，點只係當地參業咁簡單……
余絲韻