絲絲講場：輪后李靄欣調職私銀
「輪后」再少一個！原本任職瑞銀亞洲股票衍生產品銷售部執行董事嘅李靄欣（Anita） ，上月內部調職到瑞銀私人銀行部門，職銜依然係執行董事。聽講瑞銀財富管理部九龍分行就開幕，睇嚟Anita會過去幫手。
準時放工 湊仔啱晒
Anita喺金融界都16、17年，淨係負責衍生工具工作已經有10年。Anita轉部門後一樣賺咁多，但返工時間更彈性，唔使交易時段要坐定，變相多咗時間陪小朋友。
瑞銀亞洲股票衍生產品銷售部董事總經理于正人（Johnny）冇咗Anita呢位得力幫手，工作量會多咗，但會否請人要睇睇市況先。Johnny祝福Anita事業更上一層樓。
余絲韻