絲絲講場：丹麥超筍借樓按有息收

答案係丹麥，難怪聯合國早排出報告話丹麥係世界上最快樂國家。

點解借錢買樓有息收？負利率囉。丹麥克朗同歐元掛鈎，近年歐元區經濟唔掂，歐元一路碌落嚟，丹麥央行為咗聯繫匯率就爆Seed放水，存款利率早喺4年前已經喺零以下，堪稱全球負利率先驅。

話說當地有個財務策劃師，佢間屋嘅按息舊年年底已經跌到去負0.0562厘，上月要畀「負249丹麥克朗」按息，即係點？即係銀行要畀番大概292蚊港紙佢！

樓價一年急升14%

佢見負利率當然唔執輸，3年前仲同人夾份掃咗10個單位。多人炒，難怪首都哥本哈根樓價舊年第4季按年急升14.5%！

當地樓價急升，究竟嗰位財務策劃師住緊間屋（唔係一層樓，真係一間屋！）要幾錢呢？答案係170萬克朗，大約199萬港元！絲絲葡萄呢樣多過銀行貼錢畀絲絲做按揭。講完。

余絲韻