尋日創業板多咗一位潮童朋友Hypebeast（08359）加入，一開市股價即飆上2.8元全日高位，帶挈持有15億股嘅創辦人兼大股東馬柏榮（Kevin）身家水漲船高，一度暴見42億元！
不過股價之後回落番1.5元水平，全日收報1.05元，Hypebeast教主身家縮番得15.75億元。之但係，收市價都較配售價高7倍，算有個交代啦。
公司主席Kevin今年只係33歲，佢○五年創立Hypebeast網站，用10年多啲時間將網站由興趣發展成事業，依家網站除咗提供時裝、文化、音樂等資訊，仲喺網上賣衫，截至舊年九月底止半年公司賺705.9萬元。
只不過幾粒鐘，已經夠佢來回26億又折返人間，80後果然乜都快過人！
余絲韻