月租千六蚊住市區，點睇？
旺角有床位出租，重點係「有Wifi」，兼且「保證冇木蝨」。聽「地膽」級地產代理話，呢類床位，除吸引南亞人士外，亦有唔少年輕人吼，佢哋想獨立但收入唔多、冇父幹、返工時間長而地點遠。
話時話，九龍百幾呎開放式公屋單位，放盤價要成200萬，仲只得「一千零一個」放盤；就算九龍劏房實呎唔夠200呎嘅納米單位，月租都要8,000蚊，仲冇包Wifi添。你又點睇？
余絲韻
