「鐵的衙門、流水的官」除用於官場文化外，亦適用於國企紅籌管理層執位，由華潤集團調任中糧集團，再到今年初轉戰出任中化集團董事長寧高寧，周三再多一項新任務，代表中化集團出任遠東宏信（03360）主席兼非執行董事。呢項任命，雖然係行禮如儀嘅安排，但對有番咁上下資歷嘅股民嚟講，有另一番意義。
呢項安排勾起資深股民對呢位「紅籌大班」嘅美好回憶。寧高寧八六年到○四年任職華潤集團期間，曾經帶領華潤啤酒（00291，前為華潤創業）獲選「亞洲最佳管理企業」。○四年調任中糧集團後，佢先喺○七年帶領中糧控股（00606）喺香港上市，○九年又帶領中糧入主蒙牛（02319）。
今年初佢突然調任中化董事長，外界一直關注中化系內公司有乜搞作，隨住寧高寧全面掌握中化嘅實際運作，股民對佢嘅一舉一動自然分外敏感。
余絲韻