北水頭等倉：潤啤逢調整收集
假期傳來內地出招應對正在升溫的一線城市房地產市場。阿爺出招，A股亦抖一抖，滬綜指昨日一度重上3,000點，可惜尾市又再跌過，結果還是無功而還，收報2,957點，跌21點。
上海市樓市上周五公布辣招後，官方下一個推辣招的對象好可能劍指深圳。
呢期市場消息時好時壞，冰火交錯，不如睇番啲受相關政策消息影響程度較少的日常消費股。
華潤啤酒（00291）雖然冇咗藍籌身份，但經驗相告，脫藍者焉知非福。早前潤啤已宣布以16億美元收購華潤雪花啤酒餘下49%股權，一來作價唔係貴，二來全資擁有後，可進一步提升盈利能力。
綜觀近年內地啤酒市場競爭激烈，毛利率受壓是普遍現象。去年下半年潤啤的銷售亦有所擴大，今年能否在適當時間提高產品均價，仍要拭目以待，惟若年內交易順利完成，則盈利表現有保證。
潤啤上周四收報14.32元，股價每逢回落至12至13元水平，都是收集機會，中線上望16元，失守11元止蝕。
司慕渢