話說有個廿幾歲女去美國，喺維珍航空做Marketing畀人炒，去遊戲機公司Atari做VP又畀人裁，兩年唔夠執包袱兩次。嗰時佢接近30歲，簡直係人生谷底……點之畀佢悟出點翻身，之後國際品牌爭住請佢揸旗。
絕對真人真事，佢就係之後嘅Nike總經理、Gatorade（佳得樂）總裁、健身企業Equinox主席Sarah O'Hagan。經歷咗咁多，佢今年44歲，依家自己出嚟搞教育平台。
畀人炒又點？袋定以下9招隨時復活。（尤其第5招，絕）
畀人炒正係一個檢討機會，望真吓自己。
反正都去到呢個地步，仲有咩好驚？想做就去做。
唔使扮冷靜，但亦唔好發難。先自問係傷心定乜？認清情緒係最正面嘅釋放方法。
瞓足8粒鐘、早起、做運動、扮靚，出街見吓人，千祈唔好「宅」喺屋企。
畀人炒難免會有怨氣，記住大家都係為搵食啫，唔單止要放低怨氣，甚至不妨寫低舊老闆與同事嘅優點，再勁啲就Email話番佢哋知，多謝佢哋教過你嘢。呢招未必人人得，不過若然做得到，何止再見亦是朋友，分分鐘將來請番你添。
有如幫自己換新血，仲可以放聲氣出去搵工。
被炒最Hurt係冇晒自信。係時候寫低自己威水史，提番自己仲有市有價。
諗定想去邊度做、同咩人一齊做嘢，度定10條橋點幫呢班對象賺錢。Keep住用腦外，啲橋仲真係可以去Sell。
呢樣唔使多解釋啦。
余絲韻