投資 U WIN：鍵「盤」戰士 操弗入iBank

金融交易是一個零和遊戲，並非賭場，智慧、技術及臨場應變能力是少不了，快而準地發出交易指令是取勝關鍵之一。香港城市大學商學院經濟及金融系助理教授張重，帶隊到加拿大多倫多大學參加Rotman International Trading Competition 2016。他指，「挑選學生參賽嘅準則係，佢哋要聰明、可信、有主動性，更要精通數學及計算機技術。」

這個比賽主要是量化交易比試，其中一個環節是考核參賽者編寫程式作高頻交易套利。參賽學生Zach坦言，在比賽中套利跟在真實的交易市場一樣難，因對手們都懂運用程式，故較明顯套利機會瞬間便消失。「原本我哋寫嘅程式係專門『食大唔食細』，套利多嘅先諗，點知無啖好食，惟有改用積少成多嘅策略，以高頻交易賺取微利。」

著名學府高手過招

同學們看準程式交易是金融行業的未來，人手落盤肯定會逐漸被電腦取代，故珍惜在比賽中學會編寫交易程式的機會。Zach指，「我哋寫咗個程式，識讀取新聞之餘，仲識喺篇文章搵關鍵資料，自動作交易指令。講速度，人真係無得同程式鬥！」張重教授亦讚賞，「佢哋快過用人手操作交易嘅隊伍好多！」比賽共有50隊學生參加，他們成功在Algorithmic Trading Case（程式交易）環節躋身最後十強，壓低芝加哥大學及哥倫比亞大學等著名學府，最終取得第八名，為香港增光。

項目多元 過關斬將

此外，比賽亦考驗參賽者對市場的觸覺，要求他們分析不同的新資訊。「了解金融市場同識量化嘅技術就好似一對左右腳嘅鞋，無咗其中一邊，另一邊都發揮唔到作用。」張重教授說。

大學生Yuri分享他們在Quantitative Outcry Case（喊價交易）的難忘經歷，「個比賽要兩個隊員在場地的二樓接收市場信息，然後用手勢傳達買賣指令給一樓的隊員執行。其中一輪，因錯誤判斷市場信息，所以其他人不斷賣，我哋就不斷買。」他們最終在那環節輸了。

比賽亦要求參賽者具備良好心理質素及分析能力。在Equity Valuation Case（企業估價）的環節，他們要按四間公司背景及業績，撰寫財務報告，然後估算其債券公平價格。大學生Oliver稱，「有一隻債券，我哋發現個價被低估咗好多，我哋就瞓身買，點知我哋一路買，個價就一直跌！好彩，到最尾個幾秒，個價急彈！真係好驚險，證明咗相信自己嘅判斷係好緊要。」比賽規定收盤價參照公平價格，他們最終大賺，證明那債券真的被低估，分析得對。

面對比賽中爭分奪秒的交易，他們怎樣減壓？Oliver笑指，「重哥（張教授）無畀壓力我哋，叫我哋隨便做，但我感覺重哥雄心勃勃，只係唔表露啫！」張教授表示，「我好有信心你哋會做到啲成績出嚟。」