香港零售市場從未試過負利率，現時普遍國家所推行嘅係存款負利率，主要係中央銀行與商業銀行間的交易，因一般商業銀行需要存放存款儲備金喺中央銀行，佢哋習慣上保險起見係會放多咗喺度，推行存款負利率嘅意思係，中央銀行對超額準備金唔單止唔派息，仲會掉轉頭向商業銀行收番息。
現時日本推行-0.1厘的負利率，歐央行推緊-0.4厘，都係屬於對商業銀行額外存款儲備金徵收存款負利率，歐洲個別國家存款負利率特別深，特別是瑞士、瑞典及丹麥，瑞士更達-0.75厘。