英國球星大衞碧咸同利豐系一向friend底，早前佢老婆碧咸嫂維多利亞喺社交網站宣布三月十八日喺香港置地廣場開舖後，即引起關注。有媒體好奇，繼利邦（00891）旗下品牌Kent&Curwen同碧咸簽訂五年獨家合作協議之後，同系公司今次會唔會搵埋碧咸嫂傾合作大計？
利標（00787）行政總裁兼副主席樂裕民就話，雖然依家雙方未有實際合作計劃落實，不過嚟緊會同維多利亞食餐飯，仲拍硬檔咁話，如果對方有咩要幫手都可以搵佢。上年九月利邦受惠碧咸效應，股價一日內曾經飆逾52%，唔知碧咸嫂效應，又會唔會有佢老公咁勁呢？
余絲韻