絲絲講場：碌卡換機票 港人去到盡
香港人出名熱愛旅遊，仲鍾意用飛行里數換機票。不過，大家又知唔知道，為咗換機票你可以去到幾盡？星展香港委託生活易做咗一項旅遊習慣調查，睇吓你係咪深度旅遊迷！
第一關，睇旅遊次數同使費。調查顯示，香港人每年平均外遊三次，每人每年海外旅遊消費平均達28,721元，你達唔達標？
第二關，為提高用信用卡積分換機票機會而採取特別手段。調查發現超過70%受訪者會採取「特別手段」，你有冇中過其中幾樣？
攞10張卡加速飛
調查就顯示，有33%受訪者會「集腋成裘」，曾申請多張甚至多達10張信用卡，用迎新優惠或合併積分換里數；有27%受訪者採取「未雨綢繆」，曾經提早一年換里數；有18%就唔理咁多，用信用卡購買過多或非必要嘅產品提升儲分速度。
不過儲嚟儲去都仲差一截咁點算好？打親友牌都係辦法，有7%受訪者會集合親友信用卡消費以湊齊足夠里數；再唔係就退而求其次，5%受訪者話儲里數只用喺升級商務客位。唔想搞咁多嘢？有錢就是任性！直接用「銀彈政策」，10%受訪者話會買里數填補所差里數。
星展推積分兌換
坊間換機票要兜個圈，先將信用卡積分轉做里數，再加手續費先換到。星展香港見到呢個複雜程序，就推出旅遊獎賞平台iGo Rewards，該行信用卡持有人可用簽帳積分（DBS$）直接喺平台換機票同酒店住宿等旅遊產品。當中DBS Black World MasterCard仲有五五折換機票優惠，以一張台北來回經濟艙機票由DBS$412起為例，撇除手續費同稅項，換取消費成本約51,500元（本地消費125元等於DBS$1）。
余絲韻