創意新勢力：中年創業有優勢

要承受如此巨壓去創業，背後最大推動力是甚麼的確使人好奇。他的回答出乎意料，「我被迫！」他續解釋，「創業有兩種人，頭一種人係好有願景，後一種人係被迫，我就係後面嗰種。諗創業之前，我啱啱離開咗間大公司，當時已經四十幾歲人，好難再搵同樣嘅工，而自己又想繼續做科技，咁惟有自己創業！」

人生經驗助度難關

此外，他堅信年長的創業家有優勢，「18歲同40幾歲嘅創業有不同，最起碼我可以用過去嘅經驗同累積嘅智慧，去解決一啲問題」。例如，他懂紓緩壓力，會參與活動與更多人接觸，例如打高爾夫球。而且，他深明做事不應有太多顧慮，「好似游水咁，見到對面岸就游，游游吓就會到。」

最後，他提點有意創業的年輕人，不要過度美化創業，事實上跟賣報紙或賣菜一樣，都要求存。就算產品做得很好，但銷量差，公司依然不能生存。所以，必須清楚了解你盤生意的擴充性。另外，創業亦要有企業家性格、財務需穩健、生意模式要賺錢。