實德環球（00487）副主席馬浩文（Hoffman）今個農曆新年假期，一家過咗英國度歲，不知幾開心。
Hoffman話，全日對住佢三個寶貝都仲唔多夠，因為最細嘅寶貝得1歲，六點就變睡寶寶；3歲嘅寶貝就七點瞓。而今次遊英國，仲趁機幫6歲囡囡睇定學校。呢位廿四孝爸爸真係唔講得笑，已經開始諗定暑假帶班細路去美國咁話。
醉心單車運動嘅Hoffman，要小朋友學習嘅第一項運動竟然唔係單車，而係游水。Hoffman話游水唔算係運動，而係求生技能，所以佢三個寶貝都係6個月大就落水學習。對於單車運動相當有要求嘅Hoffman更講明，單車應該唔會係佢哋嘅親子活動。
余絲韻