Money Views：80後樂做樓奴 跌市換大屋

中原地產副區域營業經理何鑫生於公屋家庭，家境即使不至要每天粗茶淡飯，但仍想撇去「屋邨仔」的枷鎖。「家人好反對裝修屋企，話最終會畀政府收番，整咁靚都無用，我人生最大目標係買層樓。」

一一年，當年他只有二十六歲，工作七年，但用兩年時間便儲夠首期。他決定承做九成按揭，以16.8萬元買入粉嶺欣盛苑的已補地價居屋單位，實用面積400方呎，樓價168萬元。「當年因結婚要買樓自住，嗰陣拎咗筆錢畀首期後戶口已經無錢，連結婚擺酒都要向父母借錢。」

何鑫現時自住的粉嶺欣盛苑單位。

何鑫小檔案

搏盡上車 升值80%

何鑫為上車可身無分文，當時人人覺得他搏得太盡，樓市一跌可能一鋪清袋，但因那刻的決定，何鑫現時身家已翻近倍。事實上，他現時居所較五年前升值近80%，因為同類型單位最新的成交額已達300萬元。樓市最近逆轉，他再次萌起買樓念頭。

「一來生咗兩個小朋友，400方呎地方唔夠大，二來想有工作動力。人有惰性，任何情況下，我都唔想過太安逸嘅生活，有供樓壓力自然會努力工作。」他續說，「點解做樓奴就一定唔好？本身供養子女，就係佢哋嘅奴隸，我奴性好重，好願意做埋樓奴。」

為家庭願月供多萬五

他提及，房子不夠住皆因兩個孩子「霸佔」了他的書房，「費事嘈到小朋友，平時食飯、夜晚電話講公事都轉移至廚房，所以依家想換三房兩廁的單位。」

再者，現時每月供樓為5,000元，對於家庭年收入達百萬元的何鑫而言，可能只是九牛一毛，於是何鑫決定「自討苦吃」，再供多層樓。「有供款壓力就會畀心機做嘢，趁後生可以供三十年，我工作仍有好大發揮空間。如果做代理收入唔夠供樓，大不了轉做地盤。」

他短短五年，努力儲逾300萬元資金，準備買同區600萬至800萬元的單位，面積冀為1,000方呎。「如買二手樓，做六成按揭，加其他濕碎支出，唔夠畀就可能賣依家層樓。但如果買新樓，做到八成按揭就唔賣。」他考慮每月供款由5,000元增至20,000元，壓力明顯大增。

不睇重樓價升跌

何鑫三十而立，認為再買樓算是成功的象徵，更揚言「公屋轉居屋，居屋轉私樓，望可向House進發。」一一年他在樓價起飛前上車，已較其他八十後幸運，到現需換樓，樓價出現回調，似乎買樓時機再現。

他認為，「機會係留畀有準備嘅人，首期一定要儲定。我個人都未必睇得準樓市，只係你認為佢會跌就唔買樓，到升你又唔會買，結果就更難上車。」他又說，「樓價升跌唔太重要，因為升，你層樓都會升，跌嗰陣，就可以買更平嘅樓。」