明日就係情人節，財圈瘋傳13條戒律，應做唔應做全有晒，勁過股災逃生術。咁金融人又點睇辦公室戀情？
安俊人力資源顧問董事總經理周綺萍： 「出手」前要考慮「目標」嘅職位，若係你上司，怕佢唔高興會炒你；若係你下屬，怕引起管理危機；唔同部門冇直接工作關係，問題少啲；熱戀時切勿喺公司打情罵俏；萬一分手，做得番普通同事梗好，至怕「好仇視、唔合作」，甚至因唔想見而辭職。最好係唔好因感情影響事業發展。
新鴻基金融財富管理策略師溫傑：辦公室戀情梗係唔好啦！尤其同Team或者係上司下屬關係，咁會好影響判斷。不過金融人工作時間長，冇咩時間識人，總有人喺辦公室識另一半。
中原資產管理高級副總裁黃安盈：唔抗拒辦公室戀情。同行會有多啲話題，但若伴侶係同事，日對夜對有啲單調。
想睇13戒律足本？立即Click去「on.cc東網」網站或東網手機App瀏覽。
咦，呢13戒係男同事Send畀絲絲嘅，唔通……
1. 唔好「中」個頭埋去
2. 睇清楚公司政策
3. 低調啲好
4. 適當時機先公開
5. 兩人要有共識
6. 幾時都要專業
7. 咪同對方講人工
8. 唔好晒恩愛
9. 嗌交留番外邊嗌
10. 對事不對人
11. 嚴禁喺公司「扮工」
12. 小心啲WhatsApp同Email
13. 分手要好審慎
余絲韻