絲絲講場：發展商出動醒獅谷單
地產商特別愛醒獅？發展商爭相安排團拜活動搞旺售樓處，又咁啱，新地（00016）同新世界（00017）都係出動醒獅，仲係一樣好事成雙咁打孖出。
新地團拜場面墟冚
新地尋日就喺元朗映御位於九龍站環球貿易廣場嘅售樓處舉行新春團拜，數以百計地產代理到場。醒獅一出，代理起哄，爭住摸獅頭兼與醒獅合照，而新地代理業務部張卓秀敏與林青龍一樣亦係代理捕獲合照嘅主要對象。
另外，新世界發展營業及市務高級總監楊文尋日亦帶隊喺旗下樓盤展銷廳團拜，一樣有舞龍醒獅助興。
絲絲睇番，踏入猴年，各區新盤陸續「開齋」錄得多宗成交；睇嚟，出動醒獅又幾醒喎。
余絲韻
