絲絲講場：羊年十大驚奇嚇到咩一聲

講到驚嚇，當然係港股羊年一反常態，話說由七九年起計3個羊年，平均每年升51%，點知去到二○一五年呢個就……So Sad……都咪話神劇《大時代》唔邪。A股仲傷，仲記得亂沽空會被人拉、去轉洗手間出嚟就已經收咗市嘅「四日兩熔」？大鱷索羅斯舊年五月仲話，如果中國經濟唔掂，可能會打第三次世界大戰！驚驚！

樓市方面，紀惠行政總裁湯文亮「細價樓三個月爆煲論」一出，全城熱議，佢仲講明羊年上車只會後悔。去到羊年埋尾仲有報告指出，香港打工仔份糧要唔食唔用19年先夠買樓，仲要擔心「負資產」！

匯市又點？羊年初講到人民幣有升冇跌，點知八月十一日貶值2%後前景180度逆轉。日圓仲癲，二○一五年六月一度低見每百日圓兌6.17，結果？平均每5個港人，就有1人舊年去日本玩咗轉。

不過，點跌都唔夠油價跌，連「硬漢」俄羅斯總統普京都話「西方制裁算甚麼，傷得最深係油價！」

嗱，仲有就係……吓，冇位？！絲絲都未講完。得，想睇足本排名兼睇埋片，立即Click去「on.cc東網」網站或東網手機App瀏覽。

余絲韻