絲絲講場：DHL創辦人退休似修道

阿Po退休以來做過嘅公職多不勝數，久唔久喺公開場合都見到佢。佢就同絲絲講：「無辦法，鬼叫自己火麒麟周身癮，乜都鍾意做一餐，日日五點幾起身都唔覺得攰！」阿Po仲話，視退休生活係第三份職業，就好似啲仙人去修道咁。

佢又話，自己淨係識賺錢唔識投資，「每次投資都損手爛腳，卒之最後交晒畀人幫我投資就算。」近排跌市，唔少股民好頭痕，但阿Po無蝕到，皆因三個月前早已沽貨離場。

投資沉香升值五千倍

佢無揸股票喺手，但就攬住大堆沉香。「九十年代買咗一大堆沉香，以前只係幾百蚊一斤（市斤），依家升到幾千蚊一個Gram。」即是升值咗成5,000倍！不過咁，佢話好多都係自己嘅珍藏，只會拎少少出嚟賣。咁都話自己唔識投資？

余絲韻