今時今日，齋高薪未必留到人，尤其係在職媽媽。絲絲收到風，AXA安盛不但將產假與侍產假一加再加，員工唔單止工作時間有彈性，連地點都一樣有彈性，員工可以選擇喺屋企返工！
照顧初生B唔簡單，媽媽坐月亦好緊要，AXA安盛就將女士全薪產假，由十個星期延長至十六個星期，實夠體貼。
咁爸爸呢？AXA安盛行政總裁夏偉信話，公司早喺二○一二年，已將侍產假由原本法定嘅三日，延長到五日。佢仲叫員工放心，話會不時檢討人才政策。
唔單止咁，員工仲可以按需要同工作性質，彈性調整上下班時間，留喺屋企Home Office亦得！若然有員工需要減少工作時間去處理私人或家庭事務，仲可以申請由全職轉兼職添。咁多安排，都係為咗留住人才。
余絲韻