80後理財曳1/4孭重債

歸咎四大死因

調查顯示，80後欠債的4大死因，包括：23%為投資虧損、19%教育開支、16%為旅遊和娛樂等消費開支，以及12%為日常生活開支。其中四成人更預期，需時19個月以上才可將債務甩身。

「大花筒」再非女士專利，縱觀所有年齡組別，男性的負債水平幾乎是女性的2倍，有34%男性更直言，投資虧損是其欠債主因。

80後4大負債原因	80後最擔心負擔困難的是…	80後有咩理財問題？

最憂住屋支出

宏利人壽保險國際個人理財產品業務部副總裁施博宏指，調查顯示80後最擔心住屋支出，但卻缺乏理財計劃，尤其後悔未有把握時機趁低吸納，亦未有節省開支以預留更多儲備。

中文大學商學院助理院長李兆波相信，過度消費及不適當投資往往令年輕人債台高築。「好似買電話咁，收入唔高的年輕人其實可以用價錢較平的Sony、HTC，唔一定要用iPhone。」他認為，80後應儲起相等於六個月開支的儲蓄後，才開始用閒錢投資，最忌借錢入市「炒消息、追冧把」。

身為80後的新鴻基金融財富管理策略師溫傑就強調開源節流，80後如以「上車」為目標，首要努力儲錢並透過投資將儲蓄倍大；其次若樓價太高未能負擔，便要忍痛推遲買樓計劃，或搬回老家暫住慳租金；最後必須「畀心機做嘢搏加人工」。

應預留應急錢

「八十後要買樓必須靠以上三招慳慳埋埋，原本打算30歲買樓，可能都要推遲至35歲儲多幾年錢。」他亦稱，80後應該儲起足夠應付三至六個月開支的應急錢，餘下的資金才可投資於月供股票或基金等。

「較年輕的80後則可以更進取，小注用一至兩成投資資金玩細價股、牛熊證等高風險投資，攞下經驗都好。」不過，他強調投資者先要了解市況，尤其目前港股波動，切忌盲目投資。年輕人或可投資環球市場基金，以分散單一市場風險。

施博宏就建議，市面上其實有不同工具及電話程式等，幫助投資者管理每月財政預算。除每月有固定儲蓄外，投資者應避免累積卡數。而針對其他不同緊急需要，比如醫療開支，購買醫保產品則是比現金儲蓄更好的選擇。