「今時今日咁難搵錢，投資就梗係要小心，更加應該好好裝備自己。否則如果唔好彩輸咗，好可能一世都搵唔番。」「咁點解唔選擇離場？」「咪玩喇，單靠打工無得搞。」
這篇稿寫於郵輪上，剛認識一位新朋友，口若懸河大談市況睇法，且分享去年至今沽空港交所（00388）大勝戰績。
自己相當好奇，現時大部分人投資冷感，作為一個行外人，他卻可由朝到晚只睇財經台，奮力迎戰，而且肯大注做淡 ，絕對是個異類。
無論升市跌市，大上大落抑或靜市也好，現今金融產品的設計，已經做到必然有方法令人贏錢（或輸錢），真真正正再沒有生不逢時，只有技不如人。
就以這位新朋友做例子，沽空港交所大勝幾成，不是一個複雜難明的交易方法。只不過要長期有錢贏難度甚高，短期波動基本上只是挾來挾去，不易捉摸，往往被震走，選擇死守又可以一鋪慘敗幾成，易令人氣餒。
正如他所講，關鍵是先要摒棄傳統一勞永逸的思想，以為簡單買入並持有便可以等發達。市場變化得太快，一定要密切留意大周期逆轉的迹象，亦要夠狠心去止蝕，以免泥足深陷，總之是一個浪接一個浪去打。
在現實中生意愈來愈難做，投資要有出路，真的惟有用新思維。中港今次這個向下周期，隨時坐底三至五年，甚至複製當年日本的悲劇。如果還不改變心態，注定只會做點心。
豐盛金融資產管理董事 黃國英（作者為註冊持牌人士，基金持有港交所Put）