絲絲講場：耀才豪獎員工過百萬
雖然新一年港股小漲大回，但耀才證券（01428）主席葉茂林依然豪對員工，喺周年晚宴豪派總值過百萬元獎金獎品。
入場即袋500蚊
耀才近300位員工一到場，首先即拎到500蚊「入場利是」，之後仲可分隊上台玩「鬥快搶金」遊戲，鬥快搶金元寶，贏獎金獎品。壓軸抽獎仲包括多封1,000、2,000、3,000蚊大利是、iPhone、iPad，頭獎係雙人來回首爾機票及酒店。當日現場氣氛高漲到呢。
葉老闆話，雖然港股舊年下半年成交萎縮，但各員工今年繼續有薪加同發放花紅。佢又會趁依家市況較淡靜，為未來發展同埋擴充做好準備。加幾錢人工？派幾多花紅？聽講下個星期就會揭盅。
余絲韻