理財Campus：冧市撈貨 財界男神「點股」

金價：反彈微 僅宜短期避險

當股市及油價低迷時，黃金向來是資金逃離的避風塘，不過，近年黃金的表現不太爭氣，環球股市熊蹤處處之時，國際黃金一度滑落至1,047美元，及後雖然反彈，但只累升約3.25%，近期一直在1,100美元以下徘徊。晉裕環球投資研究部投資分析師蘇子杰更指，黃金未來有機會跌穿1,000美元，甚或跌至980美元。

他稱：「環球股市下跌，金價年內只微升，巴黎恐襲亦唔見金價有明顯升幅，反映黃金嘅避險角色唔稱職。相反，一一年至今，金價跌咗23%。」

紙黃金入場約8500元

然而，礙於各類資產均波動性向下，他認為黃金是短線避風頭的工具。「以波動性嚟講，黃金似乎係最好嘅選擇，短期內金價喺1,050美元水平游走。」

投資者除了可買賣實金外，紙黃金亦是另類選擇。有銀行提供「貴金屬存摺賬戶」服務（俗稱紙黃金），客戶能直接進行帳面黃金交易，其倫敦金以一安士價錢起，入場費約為8,500元。

•慘況︰低見1,047美元，09年11月以來低位

•值博率︰2★（以5★為最高）

•入場費︰倫敦金存摺帳戶一安士約8,500元（截至本周二）

港股：跌幅有限 分注入友邦

一月港股開市跌幅驚人，月內低見18,833點，為一二年七月以來的低位，要重上二萬點暫仍乏力。面對港股持續弱勢，投資者開始心淡，六福金融經濟策略師黃威估計，港股「最後一跌」雖尚未出現，但難以捕捉底點，建議先分注吸納優質股。

黃威指，「港股現時市盈率只有8.35倍，相信大幅下跌空間有限，建議分注買友邦保險（01299）。」由於人民幣匯價急轉直下，內地大媽的資金流入港元資產，傾向買入本地保險股，友邦最直接受惠。

地產收租股防守性高

蘇子杰認為，港股跌破19,000點關口，下一個支持位為18,500點。港股續弱勢，資金宜轉向防守性高的股份，如領展（00823），「美國加息速度唔會快，對地產收租股影響有限，領展業務廣，防守性較高。」

•慘況︰低見18,833點，為41個月來低位

•值博率︰4★

•入場費：友邦及領展每手約8,000元及21,500元

人民幣：貶值未完 不宜定存

人民幣近年匯價貶值相當刺激，兌每美元一度低見6.7618，部分小存戶甚至怯場拋售人民幣。面對人民幣大幅貶值的風險，黃威及蘇子杰異口同聲指低處未算低，未係時候做人民幣定存。

持續走資 料年內跌5%

蘇子杰稱，「中國經濟下行好明確，令人民幣有貶值壓力，另因美國加息而中國減息的貨幣政策分歧，令資金有外流壓力。我相信，人民幣有機會再跌至6.79元水平。」

黃威說，「人行只係控制佢唔好跌得咁急，唔代表唔跌。中國要推動人民幣國際化及開放資本帳，就要加大力度增加貨幣的獨立性，人仔貶值事在必行，年內跌5至6%都唔出奇」他認為，在未來一、兩年，都不建議投資者買入人民幣。

•慘況︰離岸人仔兌美元低見6.7618

•值博率︰1★

•入場費︰一般人仔定存最低為2萬

油價：油續瀉 或跌穿20美元

要數最被看淡的資產，相信非油價莫屬。伊朗制裁解除，令油價續插水，紐約期油近日更一度低見27.32美元，再創○三年新低。不過，正當大家相信油價未見底的時候，股神巴菲特趁油股價殘逆市增持，投資者應否跟買？

「油價自從跌穿40美元，再唔會因為基本面影響走勢，多數受投機心態影響，市場對油股太過悲觀，認為油股好弱勢，見底並唔係一時三刻發生，唔排除真係出現大行預測咁講，跌穿20美元。」黃威指，油價面對最大問題是俄羅斯及石油輸出國組織堅持不減產，事實上，油價下跌令雙方財政出現困難，若維持產量，兩方都會一拍兩散。

博減產回升 吸中石油

他又指，一旦減產消息一出，油價迅即反彈，投資者現階段可吸納中石油（00857），「中石油的市帳率得0.56倍，係好大嘅折扣，而且集團以銷售為主，面對油改政策及發改委限制內地成品油價喺40美元唔降價，對佢有好處。」

•慘況︰低見27.32美元，03年9月以來低位

•值博率︰3★

•入場費︰中石油一手約8,460元