絲絲講場：改個男仔名搵工有着數？
證監會高級總監兼風險及策略主管比妮‧諾藍（Benedicte Nolens）尋日喺亞洲金融論壇獲頒亞洲傑出女性獎。Nolens話好彩自己個名叫Benedicte夠男性化，曾經因為咁而獲得面試機會。
證監高管奪「亞洲傑出女性」
話說佢以前喺美國搵工，點知見工嗰陣公司主管問佢「你真係Benedicte？ 」原來間公司想請男士，見到佢個名，以為佢係男士，所以叫佢嚟面試。結果？佢真係得到呢份工。Nolens同時亦鼓勵所有女性，如果想事業更進一步，就要勇於挑戰同冒險。一位「亞洲傑出女性」嘅搵工經歷竟然係咁，絲絲好灰。
余絲韻