鍾普洋嘆港物流業用地不足

對於本港物流業的資源不足，鍾普洋表示：「香港最唔夠就係物流中心，當年我同業界不斷地爭取增加物流用地，不過無辦法，我哋無錢畀嘛，根本唔夠地產商爭，就算到現時，都仍然缺好多地方做物流。」

DHL創辦人料港安渡逆境

他指現時的物流業不斷進步，「倉儲以前只會於公司入面，但現時已經係外判出去，所以好多物流公司就好似雨後春筍咁出現。」「以某同行為例，以前唔會有人將三十蚊一件衫送到府上，依家有咩都會同你送。」

對於各界普遍認為今年做生意將更加困難，在環球市場經驗豐富的鍾普洋卻對於逆境處之泰然，「香港人經歷過咁多次的經濟衰退、升升降降，有咩大場面未見過！」經濟變動往往牽涉多項複雜因素，鍾普洋卻簡單地概括：「一切都只係『婆乸數』！」

夥拍馮氏基金培養人才

作為物流業老行尊，鍾普洋對本港物流業自有一番見解，「物流業唔太需要好高級嘅人才，最重要係有思維嘅人才。培養好領導思維嘅服務人才，對行業發展一定係最好。」所以鍾普洋與馮氏基金合作，冀培育服務行業的管理領袖，將他多年經驗傳承下去。

鍾普洋始終認為，雖然物流屬區域性業務，倚靠的是本地智慧，但要如DHL一樣成為跨國物流公司，管理層以中國人為主的話，很難做到。「要成功打入世界，最重要嘅係識得管理外國人。中國人做老闆有啲唔同，外國人以事論事，分分鐘會指住你個鼻嚟鬧，如果仲要顧面子的話，好難成為跨國公司。所以你睇，日本人為首嘅外國公司少之又少，因為佢哋同中國人好似。」

他覺得，愈成功的人愈要懂得謙虛。「人地話『飛龍在天』，我就話『亢龍有悔』。」