絲絲講場:賣機唔要指標 雷軍只求開心

小米尋日開「2016年小米鬧天宮」員工年會,董事長雷軍對住成班手足,話舊年「過得一點都不開心」!

想撈埋VR同機械人

理由係,小米舊年全年出貨量達唔到8,000萬部目標。所以,雷軍講明今年嘅戰略就係「開心就好」,仲叫所有手足放低晒啲表現指標包袱。話時話,小米手機舊年雖然畀各方狙擊,但全年出貨量都超過7,000萬部,完勝內地同行稱霸,其實應該要開香檳慶祝,大家賀一賀佢先係o架嘛。

小米今年目標除咗要「開心」,仲會探索新嘢。雷軍話會搞小米探索實驗室,研究進軍VR(虛擬現實技術)與機械人領域。

余絲韻