絲絲講場：衍生有眼光一早簽「坤哥」

衍生主席彭少衍尋日話，早喺舊年已經睇中男歌手「坤哥」吳業坤。緣起於舊年八月一次合作，彭主席當時聽過對方啲歌好好聽，相信佢假以時日會走紅，所以趁早簽咗先。估唔到一講就中，今個月正式簽咗，坤哥呢排亦人氣爆升，連彭主席都話「唔知佢好彩定我哋好彩」，總之簽咗就名成利就喎。

今次簽坤哥做一年代言人，代言費用？商業秘密唔講得，但彭主席形容係「雙贏」，總之簽嘅時候好合理咁話，所以公司今年宣傳費佔收入比例唔會升，維持約20至22%左右。至於衍生品牌代言，聽聞會用國際知名卡通人物，想品牌年輕化咁話。

仲記得，衍生早年簽過李彩華（Rain）做護膚品牌雪完美代言人，無耐Rain轉戰內地仲做埋圈中小富婆，難怪彭主席自言眼光獨到。

余絲韻