有間改造人公司搞緊上市。改造人？真o架，美國有間專門「編輯」基因嘅公司Editas Medicine呢個星期申請當地上市，初期招股規模1億美元。
Editas三年前先由開發呢項技術嘅Jennifer Doudna同麻省理工助理教授張鋒創立，專研究CRISPR-Cas9編輯基因技術。
連微軟創辦人蓋茨都睇好呢間公司，舊年同其他人一齊泵咗1.2億美元去力撐。
佢哋連股票代號都諗定叫「EDIT」，到底點「編輯」法？簡單講，就係喺胚胎階段改造基因，移除缺陷基因，用嚟治療遺傳病，人體試驗有望喺明年開始，仲係全世界未試過嘅。所以，人造人？新人類？唔係講笑。
余絲韻