諗完，都係打算劈炮？安俊人力資源顧問董事總經理周綺萍話，答到自己呢四個問題，先好遞辭職信。
第一、應先考慮個人財政，即係「待業期間夠唔夠錢使」呢個現實問題。
第二、係辭職嘅迫切性，到底係「搵咗先走」定「走咗先搵」？
第三、真係唔走唔得？同公司反映過、傾過未？「因為好多時可能公司已經訂咗新政策，只係未公布」。
第四、係唔係啱時間辭職，講緊嘅係你份Career Profile（履歷）。「太Jumpy（成日轉工）嘅人，大公司一定唔會要」，因為見唔到佢有為自己嘅Career Profile做計劃同打算。兩年打6、7份工嘅人「以後只會打散工」，皆因會畀人冇前途嘅感覺，自然就「唔會畀咩前途你」；相反如果年資有8年以上，「個Profile已經好靚」，可以隨時去闖；不過又唔係愈長愈好，15年做過兩份工，個Profile一定靚過15年只得一份，事關「涉獵廣啲係好事」。
睇完晒啦，仲係想遞信？定係仲可以堅持多一年半載？
余絲韻