絲絲講場：財務文件失蹤事件極不幸

余絲韻

公司準備好晒截至去年底四個財政年度同本年嘅財務文件，十二月三日裝晒啲文件落貨車，準備由石家莊運去北京總辦事處。	同日，貨車中途壞車，拖去河北保定市修理。翌日司機去攞車兼食晏，食完晏返嚟，架車唔見咗，公司之後報公安。	一星期後，公安搵番架貨車，財務文件唔見晒，仲要全部係正本。公司話搵番「可能性不大」，但會盡可能搵啲副本出嚟，減低影響。