北水頭等倉：酷派提防遇阻回落

美股上周五大散，港股昨日當然係冇運行，再加上中遠系復牌玩笨豬跳，復星系復牌亦現逃亡潮，缸邊友真係睇到心到實！

之不過，戲劇性的發展在午後出現，滬綜指收復失地之餘，更倒升2.5%收場，一定程度穩定了人心。恒指午後跌幅收窄，收報21,309點，跌154點。

TCL多媒體（01070）宣布配股予樂視，集資22.6億元，由於停牌前股價已急升，昨日復牌遇上跌市，股價回吐3%。講到樂視入股TCL多媒體，原來受消息刺激而做好的，反而係酷派（02369），股價升兩成，收報1.56元，成交8,139萬元。事緣早前樂視已入股酷派，持股量近18%，如今集齊互聯網電視內容、電視機及手機製銷於一合作體，難怪酷派股價亦借勢大幅反彈。