絲絲講場：港女企業家有錢過男人

滙豐私人銀行訪問咗2,800多名身家超過780萬港元嘅企業家，原來香港企業家有48%都係女性，當中一半更加係35歲以下。

如果按富裕程度劃分，香港三分之二（67%）資產淨值超過1.17億港元嘅企業家，都係女性；而且女企業家嘅平均身價高達2,886萬港元，男嘅只係2,574萬港元。男士們，嗱大方啲，睇埋落去。

不過，原來成功唔多唔少，都係要靠吓父母，53%香港企業家屋企本身已經有個家族企業；而喺初次創業個陣，用到屋企錢作為創業資金嘅都有43%，另外22%就會選擇搵朋友幫。