絲絲講場：老爺車保值鍊贏股樓

一定唔係英國股票同倫敦豪宅，事關截至今年九月嘅過去12個月，追蹤10類奢侈品價格嘅《萊坊奢侈品投資指數》升咗10%，跑贏同期反映英國股市嘅富時100指數（跌8%）與倫敦豪宅市（升1%）。

古董家具蝕梗唔掂得

10類奢侈品中，以1年計，價格升得最勁嘅係老爺車（升18%），其次係藝術品（升15%）。講明先，係畢加索同莫迪利亞尼（Modigliani）嗰隻級數。珠寶？中中哋排第五咁啦，升咗5%。

不過若拉長10年計，最保值奢侈品嘅頭三位就係：老爺車（升496%）、葡萄酒（升243%）同藝術品（升239%）。

有樣嘢，除非閣下真係好唔計較錢，否則都係唔好買，事關無論1年定10年都係蝕，只係蝕6%定28%嘅分別，呢樣就係古董家具。

余絲韻