美國經濟復甦可支持加息，唔代表依賴中國經濟的香港一樣可以，美國加息前本地投資者態度審慎。恒指早市裂口以22,336點開出，貼近高位所在，早市升幅很快被沽盤吞噬，中段反撲未能升穿開市價，最後收22,203點，跌32點，主板成交658億元。
昨日市尾市見market盤，將期指從22,213點冚上22,280點收市，把高水幅度擴大到77點，但見全日成交，由上周中的12萬張樓上，跌到昨日的7.6萬張。期指市場都瀰漫着提早放假氣氛，散字派在開市及收市前一刻追價務必要小心，有建倉或平倉目標，較宜早一點完成，無謂推到最後一刻追埋啲傻價。
牛皮偏靜形態未改，手上淡倉繼續以22,484點為止蝕，先作兩手準備，如果恒指下試21,900至22,000點的支持不破，先食胡去，如果破位見俯衝情況，聖誕禮物應會手到拿來。
John Mullen